ਚੰਗੇ ਭਵਿੱਖ ਦੀ ਖਾਤਰ ਅਪਣੇ ਇਕਲੌਤੇ ਪੁੱਤ ਨੂੰ ਪੜਨ ਲਈ ਭੇਜਿਆ ਸੀ ਅਮਰੀਕਾ ਪਰ ਪੁੱਤਰ ਦੀ ਲਾਸ਼ ਪਹੁੰਚੀ ਘਰ ,ਦੋਸਤ ਨੇ ਕੀਤੇ ਮੌਤ ਦੇ ਅਹਿਮ ਖ਼ੁਲਾਸੇ
- by News & Facts 24
- 27 Jan, 24
ਚੰਗੇ ਭਵਿੱਖ ਦੀ ਖਾਤਰ ਅਪਣੇ ਇਕਲੌਤੇ ਪੁੱਤ ਨੂੰ ਪੜਨ ਲਈ ਭੇਜਿਆ ਸੀ ਅਮਰੀਕਾ ਪਰ ਪੁੱਤਰ ਦੀ ਲਾਸ਼ ਪਹੁੰਚੀ ਘਰ ,ਦੋਸਤ ਨੇ ਕੀਤੇ ਮੌਤ ਦੇ ਅਹਿਮ ਖ਼ੁਲਾਸੇ
ਮਾਛੀਵਾਲਾ 27 ਜਨਵਰੀ (ਸੁਨੀਲ)
ਮਾਛੀਵਾੜਾ ਸਾਹਿਬ ਦੇ ਨੇਡ਼੍ਹਲੇ ਭਮਾ ਕਲਾਂ ਦੇ ਪਿੰਡ ਕਿਸਾਨ ਦਲਜੀਤ ਸਿੰਘ ਮਾਂਗਟ ਦੇ ਇਕਲਤੇ ਪੁੱਤਰ ਨੌਜਵਾਨ ਜਸਦੀਪ ਸਿੰਘ ਜੱਸੂ (22) ਦੀ ਅਮਰੀਕਾ ਵਿਚ ਗੋਲੀ ਨਾਲ ਮੌਤ ਹੋ ਗਈ ਸੀ, ਅੱਜ ਉਸਦਾ ਪਿੰਡ ਦੇ ਸਮਸ਼ਾਨ ਘਾਟ ਵਿਖੇ ਅੰਤਿਮ ਸਸਕਾਰ ਕਰ ਦਿੱਤਾ ਗਿਆ। ਜਸਦੀਪ ਸਿੰਘ ਦਸਵੀਂ ਦੀ ਸਿੱਖਿਆ ਪ੍ਰਾਪਤ ਕਰਨ ਤੋਂ ਬਾਅਦ 5 ਸਾਲ ਪਹਿਲਾਂ ਚੰਗੇ ਭਵਿੱਖ ਲਈ ਅਮਰੀਕ ਦੇ ਕੈਲੇਫੋਰਨੀਆ ਦੇ ਫਰਿਜ਼ਨਲ ਸ਼ਹਿਰ ਵਿਖੇ ਰਹਿੰਦੇ ਆਪਣੇ ਮਾਮੇ ਕੋਲ ਚਲਾ ਗਿਆ ਸੀ।
ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ 3 ਜਨਵਰੀ ਨੂੰ ਜਸਦੀਪ ਸਿੰਘ ਅਮਰੀਕਾ ਵਿਖੇ ਆਪਣੇ ਘਰ ਤੋਂ ਕਾਰ ’ਤੇ ਸਵਾਰ ਹੋ ਕੇ ਨਿਕਲਿਆ ਅਤੇ ਰਸਤੇ ’ਚ ਆਪਣੇ ਮਾਤਾ-ਪਿਤਾ ਅਤੇ ਦਾਦੀ ਨਾਲ ਵੀਡੀਓ ਕਾਲਿੰਗ ਰਾਹੀਂ ਗੱਲ ਵੀ ਕਰਦਾ ਰਿਹਾ ਪਰ ਅਚਾਨਕ ਫੋਨ ਬੰਦ ਹੋ ਗਿਆ ਤਾਂ ਪਰਿਵਾਰਕ ਮੈਂਬਰਾਂ ਨੂੰ ਇਸ ਦੀ ਚਿੰਤਾ ਹੋਣ ਲੱਗ ਪਈ ਜਿਸ ’ਤੇ ਉਨ੍ਹਾਂ ਅਮਰੀਕਾ ਵਿਖੇ ਰਹਿੰਦੇ ਮਾਮੇ ਨੂੰ ਸੂਚਿਤ ਕੀਤਾ। ਮੌਕੇ ’ਤੇ ਜਾ ਦੇਖਿਆ ਗਿਆ ਤਾਂ ਜਸਦੀਪ ਸਿੰਘ ਕਾਰ ਵਿਚ ਮ੍ਰਿਤਕ ਪਿਆ ਸੀ ਜਿਸ ਦੇ ਸਿਰ ਵਿਚ ਗੋਲੀ ਵੱਜੀ ਹੋਈ ਸੀ।
ਅੱਜ 24 ਦਿਨਾਂ ਬਾਅਦ ਨੌਜਵਾਨ ਜਸਦੀਪ ਸਿੰਘ ਲਾਸ਼ ਲੈ ਕੇ ਉਸਦਾ ਮਾਮਾ ਪਿੰਡ ਭਮਾ ਕਲਾਂ ਪਹੁੰਚਿਆ ਤਾਂ ਉੱਥੇ ਮਾਹੌਲ ਬਡ਼ਾ ਗਮਗ਼ੀਨ ਹੋ ਗਿਆ ਅਤੇ ਸਾਰੇ ਪਿੰਡ ਵਿਚ ਸੋਗ ਦੀ ਲਹਿਰ ਛਾਈ ਹੋਈ ਸੀ। ਮਾਪਿਆਂ ਨੇ ਆਪਣੇ ਇਕਲੌਤੇ ਪੁੱਤਰ ਨੂੰ ਸਿਰ ’ਤੇ ਸਿਹਰਾ ਸਜਾ ਕੇ ਅੰਤਿਮ ਵਿਦਾਇਗੀ ਦਿੱਤੀ।।
ਇਸ ਮੋੌਕੇ ਹਲਕਾ ਸਾਹਨੇਵਾਲ ਦੇ ਵਿਧਾਇਕ ਹਰਦੀਪ ਸਿੰਘ ਮੂੰਡੀਆਂ, ਪੁੱਜੇ ਜਿਨ੍ਹਾਂ ਕਿਹਾ ਕਿ ਇਕਲੌਤੇ ਪੁੱਤਰ ਦੀ ਮੌਤ 'ਤੇ ਦੁੱਖ ਪ੍ਰਗਟ ਕਰਦਿਆਂ ਵਿਦੇਸ਼ਾਂ ਵਿਚ ਹੋ ਰਹੇ ਉੱਤੇ ਚਿੰਤਾ ਜਾਹਿਰ ਕੀਤੀ ।
ਮਿਲੀ ਜਾਣਕਾਰੀ ਅਨੁਸਾਰ ਅਮਰੀਕਾ ਪੁਲਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਕਿ ਇਹ ਘਟਨਾ ਕਿਵੇਂ ਵਾਪਰੀ। ਮਾਪਿਆਂ ਨੂੰ ਆਪਣੇ ਨੌਜਵਾਨ ਪੁੱਤਰ ਤੋਂ ਬਹੁਤ ਆਸਾਂ ਸਨ ਪਰ ਅਚਨਚੇਤ ਵਾਪਰੀ ਅਣਹੋਣੀ ਨੇ ਉਨ੍ਹਾਂ ਦੇ ਸਾਰੇ ਸੁਪਨੇ ਚਕਨਾਚੂਰ ਕਰ ਦਿੱਤੇ। ਜਸਦੀਪ ਸਿੰਘ ਅਮਰੀਕਾ ਵਿਖੇ ਗ੍ਰੀਨ ਕਾਰਡ ਹੋਲਡਰ ਸੀ ਜਿਸ ਨੇ ਮਾਰਚ ਵਿਚ ਕਰੀਬ ਸਾਢੇ 5 ਸਾਲ ਬਾਅਦ ਆਪਣੇ ਪਿੰਡ ਭਮਾ ਕਲਾਂ ਵਿਖੇ ਪਰਤਣਾ ਸੀ।ਪਰ ਅਜਿਹੀ ਹੋਣੀ ਵਾਪਰੀ ਕਿ ਅਮਰੀਕਾ ਤੋਂ ਖੁਸ਼ੀ ’ਖੁਸ਼ੀ ਪ੍ਰੀਰਿਵਾਰ ਲਈ ਗਿਫ਼ਟਾਂ ਲਈ ਕਿ ਆਉਣ ਦੀ ਬਜਾਏ ਉਸਦੀ ਲਾਸ਼ ਤਾਬੂਤ ਵਿਚ ਬੰਦ ਹੋ ਕੇ ਘਰ ਪੁੱਜੀ।
